Veräinsliewen

Veräiner si wichteg fir d‘Gemeng Hesper

An der Hesper Gemeng ginn et vill Veräiner: vu Sport iwwer Musek bis zur Konscht an nach vill aner Beräicher. Deemno wat dech interesséiert, kanns du dech bei engem Veräin mellen, Member ginn an an denger Fräizäit hëllefen. Sou léiers du Leit kennen an du kanns eppes fir anerer maachen.

D’Gemeng ënnerstëtzt d’Veräiner an d'Membere vun de Veräiner hëllefen der Hesper Gemeng reegelméisseg bei Fester, wéi z.B am Hesper Park.

All Veräin freet sech iwwer
motivéiert Benevollen.

Sport

An der Hesper Gemeng ginn et vill Sportsveräiner. Wann dech eng oder méi Sportaarten interesséieren, da mell dech bei engem vun de Responsabelen oder engem Trainer vum Veräin.

Da kanns du um Training deelhuelen, mat op d’Matcher goen, selwer Trainer oder Trainerin oder Member am Comité ginn. Nieft dem sportlechen Deel kanns du awer och op Eventer eng Hand mat upaken.

Musek

Du hues Spaass un der Musek?
Nieft der Hesper Museksschoul ginn et an der Hesper Gemeng 2 Museken: d’Hesper Musek an d’Fanfare Izeg.

An och fir eis Sänger a Sängerinnen huet d’Gemeng Hesper eppes ze bidden. Wann s'du also en Instrument spille kanns oder gären am Grupp séngs, fënns du an eise 5 Uertschaften interesséiert Uspriechpartner an Uspriechpartnerinnen.

All Veräin brauch Hëllef.
Mell dech als Benevole!

Scouten

D’Scoute sti fir Wäerter wéi Hëllefsbereetschaft, Respekt, Verantwortung an Engagement.

Mir si frou, dass och an eiser Gemeng mat den Houwalder Scouten (Grupp Don Bosco) an den Hesper Kriibsen (zu Alzeng) 2 aktiv Scoutsgruppe present sinn.

Vill aner Méiglechkeeten

Wann s du aner Interessen hues, da fënns du an der Hesper Gemeng och nach vill aner Veräiner, déi nei Membere sichen an dech vläicht interesséiere kéinten.

Kuck dir déi ganz Lëscht vun Associatiounen un a fann eppes, dat bei dech passt!

Beäntwert Froen:

21. Kräiz dee Sportsveräin un, deen et NET an der Gemeng gëtt.

Fousball
American Football
Bowling
Handball
Vëlo
Basket