Hesper Gemengerot
All 6 Joer gëtt en neie Gemengerot vun den Awunner aus der Gemeng Hesper gewielt. Insgesamt besteet de Gemengerot aus 17 Fraen a Männer. Zesummen decidéiere si, wat wichteg a sënnvoll fir d'Bierger aus der Hesper Gemeng ass.
De Buergermeeschter
oder d'Buergermeeschtesch
Eng vun dëse 17 Persounen ass de Buergermeeschter oder d’Buergermeeschtesch.
Si oder hien iwwerhëlt d’Verantwortung an der Gemeng a gëtt dobäi vum Schäffen- a Gemengerot ënnerstëtzt.
Dat heescht awer net, dass de Buergermeeschter oder d'Buergermeeschtesch alles eleng entscheede kann.
D’Schäffen
Zu Hesper ginn et 3 Schäffen. D’Schäffen ënnerstëtzen de Buergermeeschter oder d'Buergermeeschtesch an hëllefen bei der Aarbecht.
Reegelméisseg sëtze si zu 4 zesummen an diskutéieren iwwert Iddien a preparéiere Projeten, fir se mat an de Gemengerot ze huelen.
D’Gemengeréit
Am Gemengerot diskutéieren déi 13 aner Persounen zesumme mam Schäfferot iwwert d'Proposen, déi ausgeschafft goufen. Jidderee ka soen, ob e mat enger Iddi averstan ass oder och net averstan ass.
All Member aus dem Gemengerot dierf och selwer nei Iddie virschloen an dem Schäfferot Froe stellen.
Wéini ass e Projet ugeholl?
All Projet gëtt am Gemengerot ofgestëmmt. Vun de 17 Memberen am Hesper Gemengerot musse mindestens 9 Leit averstan sinn a "Jo" soen.
Vun deem Moment u seet een dann, dass d'Majoritéit averstan ass, an da kann de Projet realiséiert ginn.
